Sukan.AZ

JA slide show
​"Apple" 2020-ci ilədək avtomobil istehsalına başlaya bilər
20.02.15 16:27
Şirkət bazarın hazırki sahibləri üçün rəqibə çevrilə bilər "Apple" şirkəti 2020-ci ilədək şəxsi elektromobillərinin istehsalına başlamağa hazırlaşır.

"Report" "Bloomberg"ə istinadən xəbər verir ki, beləliklə, smartfon istehsalı üzrə dünya lideri bazarın hazırki sahibləri sayılan "Tesla Motors" və "General Motors" şirkətlərinə rəqib ola bilər.

"Apple" nəşrin yazdığı məlumatla bağlı hələ ki, açıqlama verməyib.

Xəbər report.az saytından götürülüb. 

 
2014-cü il ərzində yol hərəkətinin təhlükəsizliyinin təmin edilməsi sahəsində görülən tədbirlər barədə
20.02.15 16:15

20 fevral 2015-ci il

Azərbaycan Respublikası DİN-in kollegiya qərarlarının, əmr və göstərişlərinin tələblərini, habelə iş planlarını rəhbər tutaraq DİN Baş DYP İdarəsi və onun yerlərdəki bölümləri tərəfindən 2014-cü il ərzində respublikada yol hərəkətinin təhlükəsizliyinin təmin olunması, ictimai asayişin qorunması və xidməti intizamın möhkəmləndirilməsi istiqamətində bir sıra təşkilati və profilaktik tədbirlər həyata keçirilmişdir.

Respublikada və onun ayrı-ayrı bölgələrində qəzalığın vəziyyəti, yol hərəkəti təhlükəsizliyinin təmin edilməsi sahəsində görülmüş işlər ümumiləşdirilərək kompleks təhlil edilmiş, nəticələri Daxili İşlər Nazirinin müavini, polis general-leytenantı cənab O.Zalovun sədrliyi ilə keçirilmiş əməliyyat müşavirələrində DYP-nin ərazi və nizami hissələrinin rəhbər heyəti ilə geniş müzakirə olunmuş, hərəkətin təhlükəsizliyinin təmini sahəsində görülən işlərin vəziyyəti qeyri-qənaətbəxş olan DYP hissə rəhbərlərinin hesabatları dinlənilmişdir. Ölkə ərazisində qeydə alınmış YNH-nin təhlili nəticələri, habelə DİN-in müvafiq  tapşırıq və tövsiyələrini rəhbər tutaraq YNH-nin qarşısının alınması, kobud qayda pozuntularına qarşı mübarizənin təşkili, şəxsi heyət arasında mənəvi-psixoloji mühitin sağlamlaşdırılması, nizam-intizamın möhkəmləndirilməsi ilə bağlı müvafiq tədbirlər müəyyənləşdirilərək icmal-arayış hazırlanmış və xidməti istifadə üçün yerlərə göndərilmişdir.

Dövlət Yol Polisi xidmətində fəaliyyətin müasir tələblərə uyğun qurulması üzrə görülən işlər gündəlik nəzarətində saxlanılmaqla idarəçilik və təşkilatçılıq işinin yaxşılaşdırılması, normativ-hüquqi bazanın təkmilləşdirilməsi, şəxsi heyətin professional səviyyəsinin artırılması məqsədilə əlavə zəruri tədbirlər görülmüş, qanunçuluğun, insan hüquq və azadlıqlarının aliliyi prinsiplərinə, xidməti, icra və uçot-qeydiyyat intizamına riayət edilməsinə tələbkarlıq daha da artırılmışdır. Ötən il xidmətlə bağlı bir sıra göstərişlər, o cümlədən «Yol hərəkəti haqqında» Azərbaycan Respublikasının Qanununda dəyişikliklər edilməsi barədə» 15 noyabr 2011-ci il tarixli 242-IVQD nömrəli, 5 aprel 2013-cü il tarixli 596-IVQD nömrəli qanunların tətbiqi ilə əlaqədar nəqliyyat vasitələrinin texniki baxışdan qeydiyyat yerindən asılı olmayaraq keçirilməsi, bu xidmətin vətəndaş üçün rahatlıq şəraitində və operativ təşkili, bu sahədə vətəndaş məmnunluğunun təmin edilməsi məqsədilə «Nəqliyyat vasitələrinə texniki baxışın keçirilməsində vətəndaş məmnunluğunun təmin edilməsi ilə bağlı əlavə tədbirlərə dair» 17.02.2014-cü il tarixli, «Kənd təsərrüfatı və ərzaq məhsulları bazarının fəaliyyətinin təkmilləşdirilməsi sahəsində əlavə tədbirlər haqqında» Azərbaycan Respublikası Prezidentinin 2014-cü il 16 yanvar tarixli 221 nömrəli Sərəncamının icrası ilə əlaqədar «Kənd təsərrüfatı və ərzaq məhsullarının daşınması zamanı hərəkətin təhlükəsizliyinin təmin edilməsi sahəsində əlavə tədbirlərə dair» 10.03.2014-cü il tarixli, hərəkət iştirakçılarının intizamının artırılması məqsədilə 2014-cü ilin iyun ayının 15-dən iyul ayının 15-dək «Sürücülər, intizamlı olaq!» adı altında təhlükəsizlik aylığının keçirilməsi ilə əlaqədar 20 may 2014-cü il tarixli, nəqliyyat vasitələrinin sürücülük hüququ olmadan idarə olunması hallarına qarşı mübarizə tədbirlərinin gücləndirilməsi ilə bağlı 23 iyun 2014-cü il tarixli, yol-nəqliyyat hadisələri nəticəsində uşaq travmatizminin qarşısının alınması üçün əlavə tədbirlərin görülməsi, eləcə də bu sahədə fəaliyyətin müasir tələblər baxımından təkmilləşdirilməsi məqsədilə «Yol-nəqliyyat hadisələrində uşaq travmatizminin qarşısının alınması sahəsində əlavə tədbirlərə dair» 01 oktyabr 2014-cü il tarixli və nəqliyyat vasitələrinin təhlükəsiz və fasiləsiz hərəkətinin təşkili, sürücü intizamının yüksəldilməsi, insanların həyat və sağlamlığının qəzalardan qorunması, ölümlə nəticələnən ağır yol-nəqliyyat hadisələrinin qarşısının alınması ilə əlaqədar «Yol hərəkətinin təhlükəsizliyinin təmin edilməsi sahəsində əlavə tədbirlərə dair» 2014-cü il 27 dekabr tarixli nömrəli göstərişləri hazırlanaraq icraya yönəldilmiş və icrası nəzarətdə saxlanılmışdır.
Ölkə Başçısının müvafiq fərmanları ilə Yol hərəkəti haqqında Qanuna və İnzibati Xətalar Məcəlləsində edilmiş dəyişikliklər əsasında xidməti tənzimləyən normativ-hüquqi aktların qanunlara uyğunlaşdırılması istiqamətində aidiyyəti tədbirlər görülmüşdür.

«Dövlət orqanlarının elektron xidmətlər göstərməsinin təşkili sahəsində bəzi tədbirlər haqqında» Azərbaycan Respublikası Prezidentinin 2011-ci il 23 may tarixli 429 nömrəli Fərmanının, Nazirlər Kabinetinin «Mərkəzi icra hakimiyyəti orqanları tərəfindən konkret sahələr üzrə elektron xidmətlər göstərilməsi Qaydaları»nın və «Elektron xidmət növlərinin Siyahısı»nın təsdiq edilməsi haqqında 24.11.2011-ci il tarixli 191 nömrəli qərarının və DİN-in 08.12.2011-ci il tarixli əmrinin icrası ilə əlaqədar yol hərəkətinin təhlükəsizliyi və ona nəzarət məsələləri ilə əlaqədar bu sahədə yeni informasiya texnologiyalarının tətbiqi, eləcə də baş idarədə elektron sənəd dövriyyəsinin təşkili ilə bağlı görülən işlər nəzarətdə saxlanılmaqla davam etdirilmişdir. 

«İnzibati Xətalar Məcəlləsində dəyişikliklər edilməsi haqqında» Azərbaycan Respublikasının 2012-ci il 6 aprel tarixli 322-IVQD nömrəli Qanununun tətbiqi barədə Azərbaycan Respublikası Prezidentinin 2012-ci il 8 may tarixli 631 nömrəli Fərmanına əsasən Məcəllənin müvafiq maddələrində nəzərdə tutulmuş xətaların avtomatik rejimdə işləyən nəzarət-ölçü cihazları vasitəsilə qeydə alındığı hallarda şəxsin iştirakı olmadan elektron formada tərtib edilən protokollar üzrə icraatla bağlı tədbirlər nəzarətdə saxlanılmaqla davam etdirilmişdir. Ötən il ərzində Mərkəzi İnformasiya Sisteminə daxil olmuş 933.576 məlumat əsasında elektron formada protokollar tərtib edilməklə icraya yönəldilmişdir.

Ümumilikdə 2014-cü il ərzində yol hərəkətinə nəzarət prosesində 2.355.222 YHQ pozuntusu, o cümlədən nəqliyyat vasitələrinin sərxoş sürücülər tərəfindən idarə edilməsi üzrə 16.606, müəyyən olunmuş sürət həddinin aşılması üzrə 720.303, ötmə, manevr və qarşıdan gələn nəqliyyatın yoluna çıxma qaydalarının pozulması üzrə 233.968, yolayrıclarının keçilməsi qaydalarının pozulması üzrə 124.724, svetoforun qadağanedici siqnallarının pozulması üzrə 125.026, sərnişin daşıma qaydalarının pozulması üzrə 5.480 fakt aşkar edilmişdir. YHQ pozuntusuna görə 2.774 sürücünün hüququ müxtəlif müddətlərə məhdudlaşdırılmışdır.  

Hesabat dövründə avtoxuliqanlıq etdiyinə görə 580, şüşələrinə plyonka və örtüklər çəkilmiş 7.901 avtomobil sürücüsü aşkar edilərək barələrində inzibati tənbeh tədbirləri görülmüşdür.

2014-cü il ərzində «Siqnal» İİLİ tərəfindən 91 svetofor obyekti quraşdırılmış, 19.536 yol nişanı qoyulmuş və ya yenisi ilə əvəz edilmiş, boya ilə küçə və yollarda 1.533.163 pm cizgiləmə işi aparılmışdır. 

Ötən il ərzində Azərbaycan Respublikası İnzibati Xətalar Məcəlləsinə edilmiş əlavə və dəyişikliklərlə bağlı yol hərəkəti iştirakçılarının məlumatlandırılması sahəsində müxtəlif televiziya və radio kanallarında geniş izahat işləri aparılmış, o cümlədən BDYPI-nin «Space» TV ilə birgə layihəsi çərçivəsində «Siqnal» proqramında 49 veriliş hazırlanaraq tamaşaçılara təqdim olunmuş, canlı yayımda tamaşaçıların sualları, həmçinin Baş idarədə yeni yaradılmış 902-«Qaynar xətt» xidmətinə daxil olan 12.500-dən çox şifahi sorğular cavablandırılmışdır.  

Avtonəqliyyat vasitələrindən atılan zərərli tullantılarla atmosfer havasının çirklənməsinin qarşısının alınması, mühərriklərin işlənmiş qazlarındakı zərərli maddələrin miqdarı normadan artıq olan avtomobilləri müəyyən etməklə cavabdeh şəxslərin qanunvericiliyə uyğun məsuliyyətə cəlb olunmaları məqsədilə avqust ayının 1-dən 31-dək respublika ərazisində «Təmiz hava» aylığı keçirilmiş, 3167 şəxs məsuliyyətə cəlb edilmişdir. Ümumilikdə il ərzində aparılan yoxlamalar nəticəsində 4.405 avtomobilin mühərriklərinin işlənmiş qazlarında zərərli maddələrin miqdarının normadan artıq olduğu aşkar olunaraq müvafiq inzibati tədbirlər görülmüşdür.

Baş idarənin əməkdaşları tərəfindən 2014-cü il ərzində hüquqi və fiziki şəxslərə məxsus olan nəqliyyat vasitələrinin qeydiyyatı, təkrar qeydiyyatı, qeydiyyatdan çıxarılması, sürüclük vəsiqələrinin verilməsi üzrə vətəndaşların, idarə, müəssisə və təşkilatların nümayəndələrinin qəbulu aparılmış, 56.308 avtomobil ilkin qeydiyyata alınmış, 75.969 ilkin sürücülük vəsiqəsi verilmişdir.

Yol-nəqliyyat hadisələrinin profilaktikası sahəsində həyata keçirilmiş müvafiq tədbirlər respublika üzrə bütövlükdə hadisələrin və onların ağırlıq dərəcəsinin artımının qarşısının alınmasına müsbət təsiri olmuşdur. Belə ki, ötən il ərzində respublika ərazisində 2635 YNH-si qeydə alınmış, nəticədə 1124 nəfər həlak olmuş, 2676 nəfər yaralanmışdır. 2013-cü illə müqayisədə YNH-nin sayı 211 fakt (7,4%), həlak olanların sayı 40 nəfər (3,4%), yaralananların sayı isə 272 nəfər (9,2%) azalmışdır.

DİN BDYPİ YPXA-nın xidmət ərazisində hesabat dövründə 304 YNH-i qeydə alınmış, nəticədə 318 nəfər həlak olmuş, 191 nəfər yaralanmışdır. Ötən illə müqayisədə YNH-nin, həlak olanların və yaralananların sayı uyğun olaraq 19 fakt (5,9%), 25 nəfər (7,3%) və 19 nəfər (9%) azalmışdır. 

Bakı şəhəri ərazisində 901 YNH-i qeydə alınmış, bunların nəticəsində 313 nəfər həlak olmuş, 894 nəfər yaralanmışdır. 2013-cü illə müqayisədə YNH-nin, həlak olanların və yaralananların sayı uyğun olaraq 110 fakt (10,9%), 29 nəfər (8,5%), 106 nəfər (10,6 %) azalmışdır. 

 Respublika üzrə qeydə alınmış YNH-nin 93,4%-i (2462) sürücülərin YHQ pozmaları, o cümlədən 33,1%-i (872) ötmə və qarşıdan gələn nəqliyyatın yoluna çıxma, 28,1%-i (741) nəqliyyat vasitələrinin yüksək sürətlə idarə olunması, 8,4%-i (221) yolayrıclarını keçmə qaydalarının pozulması, 2,1%-i (55) nəqliyyat vasitələrinin sərxoş vəziyyətdə idarə olunması səbəbindən baş vermişdir. YNH-nin 37,5%-ni (988) piyadaların vurulması təşkil etmiş, nəticədə 373 piyada həlak olmuş, 696-ı yaralanmışdır. 97 YNH-i piyadaların YHQ pozmaları nəticəsində baş vermişdir. Respublika üzrə qeydə alınmış YNH-i nəticəsində 87 nəfər uşaq və yeniyetmə həlak olmuş, 242 nəfər yaralanmışdır. Ümumiyyətlə qeydə alınmış YNH-i nəticəsində həlak olmuş 1124 nəfərdən 907-i kişilər, 217-i qadınlar, xəsarət almış 2676 nəfərdən isə 2004-nü kişilər, 672-ni qadınlar təşkil etmişlər. 

Azərbaycan Respublikası Prezidentinin «Cinayətkarlığa qarşı mübarizənin gücləndirilməsi, qanunçuluğun və hüquq qaydalarının möhkəmləndirilməsi tədbirləri haqqında» 1994-cü il tarixli Fərmanından irəli gələn vəzifələri rəhbər tutaraq hesabat dövründə polisin digər xidmətləri ilə birgə DYP əməkdaşları tərəfindən 3 ədəd avtomat silah («Kalaşnikov» tipli), 5 ədəd tapanca, 5 ədəd tüfəng və 1 ədəd tank əleyhinə raket mərmisi, 4 ədəd avtomat sandıqçası, 1 ədəd pulemyot qaytarıcı mexanizmi, 1 ədəd siqnal fişəngi, 432 ədəd müxtəlif kalibirli patron aşkar edilərək istintaq orqanlarına təhvil verilmişdir. 

İl ərzində polisin digər xidmətləri ilə birgə 27 fakt üzrə: 8 kiloqramdan çox (o cümlədən 551,61 qram marixuana, 3 qram heroin, 1 kq 98 qram tiryək, 6 kq 10 qram həşiş qətranı, 703,8 qram heroin, 0,7 qram kafein, 100,38 qram metilamfetamin) narkotik maddə aşkar olunmuşdur. Ötən il ərzində BDYPİ-nin qeydiyyat-imtahan hissələrində avtonəqliyyat vasitələrinin qeydiyyat hərəkətləri zamanı məlumat bazası ilə axtarışda olan 13 şəxs və 45 avtomobil saxlanılmış, habelə aqreqat nömrələrinin qeydiyyat sənədləri ilə uyğunsuzluğu üzrə 491 fakt və 253 fakt saxta sənəd aşkar olunaraq materiallar araşdırılması üçün təhqiqat orqanlarına  göndərilmişdir. 

Vətəndaşların müraciətlərinə baxılması, onları maraqlandıran və narahat edən məsələlərin vaxtında və keyfiyyətli həllinə diqqət daha da artırılmış, polis və vətəndaş münasibətlərində formalaşmış qarşılıqlı etimad mühitinin möhkəmlənməsinə xidmət edən bütün zəruri tədbirlərin həyata keçirilməsinə müntəzəm nəzarət olunmuşdur.
DİN Baş DYP İdarəsi Azərbaycan Respublikasının DİN-in kollegiya qərarlarını, əmr və göstərişlərini rəhbər tutaraq hərəkətin təhlükəsizliyinin təmin edilməsi və ictimai asayişin qorunması sahəsində tədbirlərini davam etdirir. (www.dyp.gov.az)

 


Səhifə 1 > 6


Avto Hadisə
“UAZ” Gədəbəydə meşədə qəzaya uğradı, yaralı var
17 February 2015

Warning: Division by zero in /home/sukanaz/public_html/modules/mod_latestnewsplusdate/helper.php on line 345

Warning: Division by zero in /home/sukanaz/public_html/modules/mod_latestnewsplusdate/helper.php on line 350

Warning: getimagesize(/home/sukanaz/public_html/images/stories/http://news.lent.az/upload/images/news/2015/january/15/big/05077b380e7b5ca3befc20f7a5b0e6a9.jpg) [
function.getimagesize]: failed to open stream: No such file or directory in /home/sukanaz/public_html/modules/mod_latestnewsplusdate/helper.php on line 253

Warning: imagecreatefromjpeg(/home/sukanaz/public_html/images/stories/http://news.lent.az/upload/images/news/2015/january/15/big/05077b380e7b5ca3befc20f7a5b0e6a9.jpg) [function.imagecreatefromjpeg]: failed to open stream: No such file or directory in /home/sukanaz/public_html/modules/mod_latestnewsplusdate/helper.php on line 266

Warning: imagecreatetruecolor() [function.imagecreatetruecolor]: Invalid image dimensions in /home/sukanaz/public_html/modules/mod_latestnewsplusdate/helper.php on line 267

Warning: imagedestroy(): supplied argument is not a valid Image resource in /home/sukanaz/public_html/modules/mod_latestnewsplusdate/helper.php on line 269

Warning: imagejpeg(): supplied argument is not a valid Image resource in /home/sukanaz/public_html/modules/mod_latestnewsplusdate/helper.php on line 271

Warning: imagedestroy(): supplied argument is not a valid Image resource in /home/sukanaz/public_html/modules/mod_latestnewsplusdate/helper.php on line 272
article thumbnailGədəbəydə meşədə qəza baş verib, yaralı varGədəbəydə sürücünün yaralanması ilə nəticələnən yol nəqliyyat qəzası baş verib. Gədəbəy rayon Polis Şöbəsindən APA-nın qərb bürosunun verdiyi məlumata görə hadisə fevralı 17-də saat 17 radələrində rayonun Pirbulaq kəndinin yaxınlığında meşədə baş...

Avto Yenilik
“Yol hərəkəti haqqında” Qanunda radarlarla bağlı YENİLİK
19 February 2015
article thumbnaiPrezident İlham Əliyev Milli Məclisin qanunda etdiyi dəyişikliyi təsdiq edib Prezident İlham Əliyev Milli Məclisin “Yol hərəkəti haqqında” Qanunda etdiyi dəyişiklikləri təsdiq edib. Qanunda aşağıdakı dəyişikliklər edilib:1. 83-cü maddənin II hissəsində “texniki nəzarətetmə vasitələrinin” sözləri...

Qanunvericilik
Avtomobillərin qeydiyyatı asanlaşdı
18 February 2015
article thumbnai Nazirlər Kabineti “Mexaniki nəqliyyat vasitələrinin və onların qoşqularının müəyyən edilmiş qaydada dövlət qeydiyyatından keçirilməsi və dövlət qeydiyyatı üzrə uçota alınması haqqında Əsasnamə”də dəyişiklik edib.Nəqliyyat vasitəsinin icarəyə verilməsinə dair müqaviləni, yaxud nəqliyyat vasitəsindən...

Avto Qadın
Azərbaycanda qadınlar niyə yol polisində işləmək istəmirlər?
16 May 2013
article thumbnail Bəzi ölkələrdə yol polisləri arasında qadınlara rast gəlmək adi hala çevrilib və onlar yol hərəkətinin tənzimlənməsində yaxından iştirak edirlər. Bəzi ölkələrdə bu təcrübə qadınların kişilərlə müqayisədə daha tələbkar və məsuliyyətli olması ilə izah edilir. Azərbaycanda yol patrul xidməti...

Multimedia

Elektron xidmətlər

 

Bizi izlə

 

Sorğu

Tıxac zamanı əks zolaqla və ya səki ilə hərəkət edən avtomobilin sürücüsünə münasibətiniz?
 

Abunə ol

: